ಊರಿನ ಜನರ ಸಮಸ್ಯೆಯನ್ನು ಮನಗಂಡ ಈ 45 ವರ್ಷದ ಕೀನ್ಯಾದ ಕಾರ್ಮಿಕ ವ್ಯಕ್ತಿ ಒಂದೇ ವಾರದಲ್ಲಿ ಒಬ್ಬನೇ ನಿಂತು ರಸ್ತೆ ಮಾಡಿ ಮಾದರಿಯಾಗಿದ್ದಾರೆ. ಕೀನ್ಯಾದ ಕಗಾಂಡ ಗ್ರಾಮದ ನಿಕೋಲಾಸ್ ಮುಚಾಮಿ ಎನ್ನುವ ಈ ಮಹಾನ್ ಸಾಧಕ ಸುಮಾರು 1.5 ಕಿಲೋ ಮೀಟರ್ ವರೆಗೆ ಉದ್ದದ ರಸ್ತೆ ನಿರ್ಮಿಸಿದ್ದಾರೆ.
ಈ ರಸ್ತೆ ಕಗಾಂಡ ಶಾಪಿಂಗ್‌ ಸೆಂಟರ್‌ನಿಂದ ತನ್ನ ಗ್ರಾಮವನ್ನು ಸಂಪರ್ಕಿಸುತ್ತದೆ. ಬೆಳಗ್ಗೆ ಪ್ರಾರಂಭಿಸಿದರೆ ಸಂಜೆಯವರೆಗೆ ಈ ದಿನಗೂಲಿ ಕಾರ್ಮಿಕ ಪರಿಶ್ರಮ ಪಡುತ್ತಿದ್ದರು. ಹಲವು ಬಾರಿ ಅಲ್ಲಿನ ಸ್ಥಳೀಯ ಜವಾಬ್ದಾರಿಯುತ ಜನರಲ್ಲಿ ಅವರು ಈ ಬಗ್ಗೆ ಮನವಿ ಮಾಡಿದರು.
ಆದರೆ ಯಾರೂ ಇವರಿಗೆ ಸ್ಪಂದಿಸದೇ ಇದ್ದಾಗ ಅವರು ಸ್ವತಃ ತನ್ನ ಕೃಷಿ ಉಪಕರಣಗಳ ಸಹಾಯದಿಂದ ಈ ಕೆಲಸ ಮಾಡಿಯೇ ಬಿಟ್ಟರು. ಗ್ರಾಮದ ಮಹಿಳೆಯರು ಮತ್ತು ಮಕ್ಕಳಿಗೆ ದಾರಿ ಸುಗಮವಾಗಲಿ ಎಂದು ಈ ಕೆಲಸ ಮಾಡಿದ್ದೇನೆ ಎಂದು ಅವರು ಹೇಳುತ್ತಾರೆ. ಈ ಹಿಂದೆ ದಶರಥ ಮಾಂಜಿ ಇಂತಹದ್ದೇ ಒಂದು ಸಾಧನೆ ಮಾಡಿ ಇಡೀ ವಿಶ್ವದ ಗಮನ ಸೆಳೆದಿದ್ದರು. ಇದೀಗ ಮುಚಾಮಿಯವರನ್ನು ಇಡೀ ಸಾಮಾಜಿಕ ಜಾಲತಾಣಗಳಲ್ಲಿ ಕೊಂಡಾಡಲಾಗುತ್ತದೆ.
A Kenyan giving back to his community in Kaganda village in Murang'a. Nicholas Muchami has opened an access road to assist movement of the villagers the nearby Anglican Church and Kaganda market. pic.twitter.com/5UkXT1W3Vh
— Boniface Gikandi 1 (@gikandi_1) April 10, 2019