* ವಧು-ವರರ ಆಯ್ಕೆಯಲ್ಲಿ ಆದರ್ಶ, ಸಮಾನತೆಗೆ ಆದ್ಯತೆ ನೀಡಬೇಕು.
* ಬಹಿರಂಗವಾಗಿ ಅಥವಾ ಗೌಪ್ಯ ವಾಗಿ ಉಡುಗೆ ಅಥವಾ ವರದಕ್ಷಿಣೆ ಆಪೇಕ್ಷಿಸಬಾರದು.
* ವರದಕ್ಷಿಣೆ ಬೇಡುವವರೊಂದಿಗೆ ವಿವಾಹ ಸಂಬಂಧ ಮಾಡಬಾರದು.
* ನಿಶ್ಚಿತಾರ್ಥದ ಹೆಸರಿನಲ್ಲಿ ಇಲ್ಲಸಲ್ಲದ ವೆಚ್ಚ ಮಾಡಬಾರದು ಮತ್ತು ಮಾಡಿಸಲೂ ಬಾರದು.
* ವಿವಾಹದ ಆಹ್ವಾನಕ್ಕಾಗಿ ಫೋನ್ , ಎಸ್ಸೆಮ್ಮೆಸ್ಸ್, ಈಮೇಲ್… ಇತ್ಯಾದಿ ಯನ್ನು ಉಪಯೋಗಿಸಬೇಕು.
ಮದುವೆ ಕಾರ್ಡ್‍ಗಾಗಿ ದುಂದು ವೆಚ್ಚ ಮಾಡಬಾರದು.
* ವಿವಾಹದ ಸಮಾರಂಭದಲ್ಲಿ ಪಾಲ್ಗೊಳ್ಳಲು ವರನ ಕಡೆಯಿಂದ ಸೀಮಿತ ಬಂಧುಗಳು ಮಾತ್ರ ಹೋಗಬೇಕು.
* ವಿವಾಹವು ಮಧ್ಯಾಹ್ನ ಅಥವಾ ರಾತ್ರಿ ಇರುವುದಾದರೆ ವರನ ಪಕ್ಷದವರು ತಮ್ಮ ಉಪಹಾರದ ವ್ಯವಸ್ಥೆ ತಾವೇ ಮಾಡಿಕೊಳ್ಳಬೇಕು.
* ಯಾವುದೇ ಧಾರ್ಮಿಕ ಕಾರ್ಯ ಕ್ರಮ, ಸಭೆಗಳಲ್ಲಿ ಸಾಮೂಹಿಕ ವಿವಾಹಗಳ ವ್ಯವಸ್ಥೆ ಮಾಡಬಹುದು. ಇವುಗಳನ್ನು ಕಾರ್ಯರೂಪಕ್ಕೆ ತರಲು ಒಟ್ಟು ಸಮಾಜದ ಸ್ತ್ರೀ-ಪುರುಷರು ವಿಶೇಷತಃ ಶ್ರೀಮಂತ ವರ್ಗದ ಸಹಕಾರ ಅಗತ್ಯ.
*ಸರಳ ವಿವಾಹವನ್ನು ಪ್ರತಿಪಾದಿಸುವವರು ಮೊದಲು ಮಾದರಿಯಾಗಬೇಕು. ಸರಳ ವಿವಾಹದಿಂದ ಉಳಿಸಿದ ಹಣವನ್ನು ಉತ್ತಮ ಸಮಾಜ ಮುಖಿ ಶಿಕ್ಷಣದಂತಹ ಕಾರ್ಯಗಳಿಗೆ ವ್ಯಯಿಸಬೇಕು.