ರಾಯ್ಪುರ್ : ಛತ್ತೀಸ್ ಗಢದ ಕಾಂಗ್ರೆಸ್ ಶಾಸಕರ ವಿಡಿಯೋವೊಂದು ವೈರಲ್ ಆಗಿದೆ. ಸಾರ್ವಜನಿಕ ಸಭೆಯಲ್ಲಿ ಕಲುಷಿತ ನೀರು ಕುಡಿದು ಅಧಿಕಾರಿಗಳಿಗೂ ಅದೇ ಕಲುಷಿತ ನೀರಿನ ರುಚಿ ಸವಿಯುವಂತೆ ಮಾಡಿದ್ದಾರೆ.
ಏನಿದು ವಿಷಯ :
ಬಸ್ತರ್ ಜಿಲ್ಲೆಯ ಚಿಂದ್ವಾರ ಜಿಲ್ಲೆಯ ಸಾರ್ವಜನಿಕ ಸಭೆಯಲ್ಲಿ ಈ ಘಟನೆ ನಡೆದಿದ್ದು, ಚಿತ್ರಕೋಟ ಶಾಸಕ ದೀಪಕ್ ಬೈಜ್ ಕಲುಷಿತ ನೀರನ್ನು ಕುಡಿದು ನಮ್ಮ ಜನರು ಇಂತಹ ನೀರನ್ನು ಸುಮಾರು ಆರು ವರ್ಷಗಳಿಂದ ಕುಡಿಯುತ್ತಿದ್ದಾರೆ. ನಾನೂ ಇದನ್ನು ಕುಡಿಯುತ್ತೇನೆ ನೀವು ಕುಡಿಯಿರಿ ಎಂದು ಅಧಿಕಾರಿಗಳಿಗೆ ಕುಡಿಸಿದರು. ಈ ನೀರಿನಲ್ಲಿ ಕಬ್ಬಿನಾಂಶ ಹೆಚ್ಚು ಇದೆ ಎಂದು ಮನಗಂಡು ಅಧಿಕಾರಿಗಳು ಕೂಡಲೇ ಸಮಸ್ಯೆಯನ್ನು ದಾಖಲಿಸಿಕೊಂಡರು.
#WATCH: Congress MLA from Chitrakot Deepak Baij, drinks contaminated water&makes an officer drink too after reprimanding him in a public meeting in Darbha's Chindawada village after locals complained to him of contaminated water they're receiving in the area. #Chhattisgarh (31.8) pic.twitter.com/IxO30wJz4p
— ANI (@ANI) September 1, 2018
ಚಿಂದ್ವಾರ್ ಗ್ರಾಮದ ಜನರು ನೀರಿಗಾಗಿ ಬೋರನ್ನು ಅವಲಂಬಿಸಿದ್ದು, ಅದರಿಂದ ಕಬ್ಬಿನಾಂಶ ನೀರು ಬರುತ್ತದೆ. ಶುದ್ಧ ನೀರಿನ್ನು ಒದಗಿಸುವ ಬಗ್ಗೆ ಗ್ರಾಮಸ್ಥರು ಹಲವು ಬಾರಿ ಅಧಿಕಾರಿಗಳಿಗೆ ಮನವಿ ನೀಡಿ ಗಮನ ಸೆಳೆದಿದ್ದರು. ಆದರೆ ಅಧಿಕಾರಿಗಳು ಆ ಬಗ್ಗೆ ಗಮನ ಕೊಟ್ಟಿರಲಿಲ್ಲ. ಆದರೆ ಈಗ ಸ್ವತಃ ಶಾಸಕರೇ ಅದಕ್ಕೆ ಪರಿಹಾರ ಕಂಡು ಕೊಂಡಿದ್ದಾರೆ.