ಮಹಾರಾಷ್ಟ್ರ, ಉತ್ತರಪ್ರದೇಶ ತೆಲಂಗಾಣ ರಾಜ್ಯಗಳ ಕೆಲ ಪ್ರದೇಶಗಳಲ್ಲಿ ಮಕ್ಕಳಿಗೆ ನೀಡಿದ ಪೋಲಿಯೋ ಲಸಿಕೆಗಳಿಗೆ ವೈರಸ್ ತಗಲಿದೆಯೆಂದು ಸ್ಪಷ್ಟಪಡಿಸಲಾಗಿದೆ. ಕೆಲ ಔಶಧಿ ಬಾಟಲಿಗಳಲ್ಲಿ ಟೈಪ್-2 ಪೋಲಿಯೋ ವೈರಸ್ ಉಂಟಾಗಿದೆಯೆಂದು ಆರೋಗ್ಯ ಸಚಿವಾಲಯ ತಿಳಿಸಿದೆ. ಉತ್ತರ ಪ್ರದೇಶದ ಗಾಝಿಯಾಬಾದ್ ಬಯೋಮೆಡ್ ಔಷದಿ ಕಂಪೆನಿಯಾದ ವ್ಯಾಕ್ಸಿನ್ ನಿರ್ಮಿಸಿದೆ.
ಮೂರು ರಾಜ್ಯಗಳ ಆರೋಗ್ಯ ಸಚಿವಾಲಯ ಎಚ್ಚರಿಕೆಯ ವಹಿಸುವಂತೆ ಆದೇಶಿಸಿದೆ. ಪೋಲಿಯೋ ಲಸಿಕೆ ನೀಡಿದ ಮಕ್ಕಳಲ್ಲಿ ಏನಾದರೂ ರೋಗ ಲಕ್ಷಣ ಕಂಡು ಬಂದಿದೆಯೋ ಎಂದು ವಿಶೇಷ ತಜ್ಞರ ಸಮಿತಿ ಪರಿಶೀಲಿಸಲಿದೆ. ಆದರೆ ಈ ಕುರಿತು ಕಳವಳ ಪಡಬೇಕಾಗಿಲ್ಲ ಎಂದೂ ಸಚಿವಾಲಯ ತಿಳಿಸಿದೆ.
50 ಸಾವಿರ ಬಾಟಲಿಗಳಲ್ಲಿ ಈ ವೈರಸ್ ತಗಲಿರುವುದು ಕಂಡು ಬಂದಿದೆಯಾದರೂ ಸುಮಾರು ಒಂದು ಲಕ್ಷದಷ್ಟು ಬಾಟಲಿಗಳಿಗೆ ತಗಲಿರುವ ಸಾಧ್ಯತೆಯಿದೆ. ಈಗಾಗಲೇ ಇದಕ್ಕೆ ಸಂಬಂಧಿಸಿ ಬಯೋಮೆಡ್ ನಿರ್ದೇಶಕರನ್ನು ಬಂಧಿಸಲಾಗಿದೆ.
