ಇತ್ತೀಚೆಗೆ 27 ಆಟಗಾರರಿಗೆ ಕ್ರೀಡಾ ಸಚಿವಾಲಯದಿಂದ ಅರ್ಜುನ ಪ್ರಶಸ್ತಿ ನೀಡಲಾಯಿತು. ಈ ಹೆಸರುಗಳಲ್ಲಿ ಒಂದು ಹೆಸರು ಭಾರತೀಯ ಮಹಿಳಾ ಖೋ-ಖೋ ತಂಡದ ಮಾಜಿ ನಾಯಕಿ ಸಾರಿಕಾ ಕಾಲೆ ರದ್ದಾಗಿತ್ತು. ಸಾರಿಕಾ ಅವರ ಈ ಸಾಧನೆಯೂ ವಿಶೇಷವಾಗಿದೆ, ಏಕೆಂದರೆ ಅವರು ಅತ್ಯಂತ ಬಡ ಕುಟುಂಬದಿಂದ ಬಂದಿದ್ದು, ಅವರಿಗೆ ಭಾರತದ ಮಹಿಳಾ ಖೋ-ಖೋ ತಂಡದ ನಾಯಕಿಯ ಪ್ರಯಾಣ ಸುಲಭವಾಗಿರಲಿಲ್ಲ. ಸಾರಿಕಾ ತಂದೆ ಅಂಗವಿಕಲ. ಅವರ ತಾಯಿ ಇತರರ ಮನೆಯಲ್ಲಿ ಪಾತ್ರೆಗಳನ್ನು ತೊಳೆದು ಅವರನ್ನು ಬೆಳೆಸಿದ್ದಾರೆ.
27 ವರ್ಷದ ಸಾರಿಕಾ ಕಾಲೆ ಮೂಲತಃ ಮಹಾರಾಷ್ಟ್ರದವರು. ಅವರ ತಂದೆ ಅಂಗವಿಕಲರಾಗಿದ್ದರು. ಆದ್ದರಿಂದ ಮನೆಯ ಸಂಪೂರ್ಣ ಜವಾಬ್ದಾರಿಯು ಅಜ್ಜ ಅಜ್ಜಿಯರ ಗಳಿಕೆಯ ಮೇಲೆ ಅವಲಂಬಿತವಾಗಿರುತ್ತದೆ. ಕುಟುಂಬಕ್ಕೆ ಸಹಾಯ ಮಾಡಲು ಸಾರಿಕಾ ಅವರ ತಾಯಿ ಮನೆಯಲ್ಲಿ ಹೊಲಿಗೆ ಕೆಲಸವನ್ನು ಪ್ರಾರಂಭಿಸಿದರು. ಆ್ದಾರೆ ಅದರಿಂದ ಯಾವುದೇ ಆದಾಯ ಬಾರದ ಅವರು ಇತರರ ಮನೆಗಳಲ್ಲಿ ಪಾತ್ರೆ ತೊಳೆಯುವ ಕೆಲಸ ಮಾಡುತ್ತಿದ್ದರು. ಸಾರಿಕಾ 13 ವರ್ಷ ದವರಿದ್ದಾಗ ಮೊದಲ ಬಾರಿಗೆ ತನ್ನ ಸಂಬಂಧಿಕರೊಡನೆ ಮೈದಾನಕ್ಕೆ ಹೋದಾಗ ಅಲ್ಲಿ ಮಕ್ಕಳು ಖೋ-ಖೋ ಆಡುತ್ತಿರುವುದನ್ನು ನೋಡಿ ಸ್ಫೂರ್ತಿ ಪಡೆದರು.
ಸಾರಿಕಾರಿಗೆ ಆಟದ ಮೇಲಿದ್ದ ಆಸಕ್ತಿ ಮತ್ತು ಕಠಿಣ ಪರಿಶ್ರಮವನ್ನು ನೋಡಿದ ಕುಟುಂಬವು ಅವಳನ್ನು ಸಂಪೂರ್ಣವಾಗಿ ಬೆಂಬಲಿಸಿತು. ಆರ್ಥಿಕ ಸಮಸ್ಯೆಗಳೊಂದಿಗೆ ಹೋರಾಡುತ್ತಿದ್ದರೂ ಅವರು ಸಾರಿಕಾ ಪರವಾಗಿ ಎಲ್ಲವನ್ನು ಮಾಡಿದರು. 2016 ರಲ್ಲಿ ಸಾರಿಕಾ 12 ನೇ ದಕ್ಷಿಣ ಏಷ್ಯಾ ಕ್ರೀಡಾಕೂಟದಲ್ಲಿ ಭಾರತೀಯ ತಂಡಕ್ಕೆ ಚಿನ್ನವನ್ನು ಗೆಲ್ಲುವಲ್ಲಿ ಪ್ರಮುಖ ಪಾತ್ರ ವಹಿಸಿ ತಮ್ಮ ಕುಟುಂಬದ ಹೆಸರನ್ನು ಬೆಳಗಿಸಿದರು. ಪ್ರಸ್ತುತ ಅವರು ಉಸ್ಮಾನಾಬಾದ್ ಜಿಲ್ಲೆಯ ತುಲ್ಜಾಪುರದಲ್ಲಿ ಕ್ರೀಡಾ ಅಧಿಕಾರಿಯಾಗಿ ಕೆಲಸ ಮಾಡುತ್ತಿದ್ದಾರೆ.
ಇತ್ತೀಚೆಗೆ ಅವರಿಗೆ ‘ಅರ್ಜುನ ಪ್ರಶಸ್ತಿ’ ನೀಡಲಾಯಿತು. 22 ವರ್ಷಗಳ ನಂತರ ಖೋ-ಖೋ ಆಡುವ ಒಬ್ಬ ಕ್ರೀಡಾಪಟುವಿಗೆ ಈ ಪ್ರಶಸ್ತಿಯನ್ನು ನೀಡಲಾಗಿದೆ. ಸಾರಿಕಾ ಕಾಲೆ ಅವರ ತರಬೇತುದಾರ ಚಂದ್ರಿಕಾ ಜಾಧವ್ ಅವರ ಪ್ರಕಾರ, “2016 ರಲ್ಲಿ ಸಾರಿಕಾ ಆರ್ಥಿಕ ತೊಂದರೆಯಿಂದಾಗಿ ಆಟವನ್ನು ಬಿಡಲು ಮನಸ್ಸು ಮಾಡಿದರು. ಆದಾಗ್ಯೂ ಕುಟುಂಬದ ಪ್ರೋತ್ಸಾಹದ ನಂತರ ಅವರು ಮತ್ತೆ ಅಂಗಣಕ್ಕೆ ಇಳಿದು 2016 ರ ಏಷ್ಯನ್ ಖೋ ಖೋ ಚಾಂಪಿಯನ್‌ಶಿಪ್‌ನ ಟೂರ್ನಿಯ ಪ್ಲೇಯರ್ ಆದರು.