ಉತ್ತರ ಪ್ರದೇಶದ ಕಾನ್ಪುರದ ಎ ಟಿ ಎಮ್ ನಲ್ಲಿ ಐನೂರರ ಖೋಟಾನೋಟುಗಳು ಪತ್ತೆಯಾಗಿದೆ.
ಹಿಮಾನ್ಶ್ ತ್ರಿಪಾಟಿ ಎಂಬ ಯುವಕ ಖಾಸಗಿ ಬ್ಯಾಂಕೊಂದರ ಎಟಿಎಮ್ ನಿಂದ ಹತ್ತು ಸಾವಿರ ರೂಪಾಯಿ ಪಡೆಯುವಾಗ ಈ ಅನುಭವವಾಗಿದೆ.
ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ ಎಂದು ಬರೆಯುವಲ್ಲಿ ಚಿಲ್ಟ್ರನ್ ಬ್ಯಾಂಕ್ ಆಫ್ ಇಂಡಿಯಾ ಎಂದು ಮುದ್ರಿತವಾಗಿತ್ತು.
ನೋಡಲು ಅಸಲಿ ನೋಟಿನ ತರಹವೇ ಇತ್ತು. ಈ ಕುರಿತು ತಮ್ಮ ಆಪ್ತ ರಾಮೇಂದ್ರ ಎಂಬವರಲ್ಲಿ ತಿಳಿಸಿದಾಗ ಅವರಿಗೂ ಇದೇ ಅನುಭವವಾಗಿ ಬ್ಯಾಂಕ್‍ಗೆ ಮರಳಿಸಿದಾಗ ನೋಟು ಬದಲಾಯಿಸಿ ಕೊಟ್ಟಿದ್ದರು ಎಂದು ಹೇಳಿದರು.
ಆದ್ದರಿಂದ ಬ್ಯಾಂಕಿನವರೇ ನಕಲಿ ನೋಟುಗಳನ್ನು ತುಂಬಿಸುತ್ತಿದ್ದಾರೆಯೇ ಎಂಬ ಶಂಕೆ ಸಾರ್ವಜನಿಕ ವಲಯದಲ್ಲಿ ವ್ಯಕ್ತವಾಗಿದೆ. ಪೋಲೀಸರು ತನಿಖೆ ನಡೆಸುತ್ತಿದ್ದಾರೆ.
